CULTURA

Ciàcole 1993/2008-Jornal ' O Serafinense'

TE POL SAVER LE LINGUE
DE TUTO EL MONTO INTERO
MA EL TO PARLAR Pì VERO
DIALETO RESTARÀ.

LA TRISTE STÒRIA DE UN OSELETO
Ciàcole- O Serafinense- O Novo Jornal -1993/2008- 21/11/1997
Ghe zera 'na volta un oseleto che no piasea mia zolar par el norte, tuti ani, sol par colpa del fredo. La idea de 'ndar ia, fora de la so caseta par tanto tempo, ghe fea paura, Lora el ga dito:
Mi, sto ano, resto a casa mia. Vao pì tardi sol se pròprio gavarò de bisogno.
Dopo darghe un saludo ai amissi che i 'ndea via, sto oseleto se ga metesto rento el gnaro, e fra el so gnaro e sercar de magnar ze passà via quatro stimane.
Ma come sussede te le storie e anca te la realtà, el tempo ze 'ndà avanti, ze vegnesto fredo e fredo de farghe tremar anca le pene de le ale e de la coa, lora, el ga pensà de 'ndar drio i so amissi. Cossita,col fredo el se ga metesto a zolar. Ma...sempre ghe ze un ma...pena che lu scomissia el viàio, se taca a piover e col fredo la àcoa se ga fato  giasso su le so alete picinine.
Lora, poarin, quasi morto de fredo e stufo, el ze cascà zo pròprio rento de la stala e quando el pensea che el zera drio morir, un caval ghe volta el cul e càgheghe dosso. Lo ga impienio de m. Sto poro oseleto nol zerabon de pensarghe altro che 'ver na bruta morte cossita, coerto de m...(dial can, la ze pròprio'na bruta morte).
Ma quando lu el pensea de esser drio 'ndar in paradiso o chissà 'ndove, la m, lo ga scaldà..Le alete se movea, la vita la tornea al so corpo picinin, e el gavea anca un postesin par respirar e el se ga sentio tanto ben che, contento, el ga scomissià a cantar.
In quel giusto momento, un brutogato lo ga scoltà e 'l ze 'ndà rento la stala e smissia par de qua, smissia par de la co le sate...smissia te la m, par veder de 'ndove vegnea el canto de osel. Fin che lo ga catá e lo gà magnà.
Sta picola stòria la porta quatro insegmanenti:
1- No ze sempre quel che te caga dosso che ze to nemico.
2- Gnanca sempre quel che te cava de la m. ze to amico.
3- Se ti te si caldo e te4 stè ben, anca se te si te la m. sera el beco e tasi,
4- E...chi che ze te la m. mai e mai el pol cantar.

LOTERIA
Ciàcole 1993/2008- Jornal O Serafinense-14/11/97
El me amigo Gioan el ze vegnestoa casa mia, geri, co 'na facia strania e 'l tegnea in man qualcosa.
Go domandà che cosa zera sucesso e lu el me ga spiegà che el gavea rissevesto i soldi del mese e el zera che 'ndea te la banca par meter via 'na parte par ciapar qualche persentual al mese (0,60???). E lora, tra so casa e el Banco del Brasil, el se gà fermà te la Lotérica Cervieri, ciàcola con Evaldo, e dopo...guasta tuto tel giugo de 'raspadinha'.
-Lora,- el me dise- la me dona la me ga fato una che go mai pensà.
-Ben, se zera mi la to dona, te cavea zo tuta la roba a sgrafoni.
E Gioan el se varda zo in basso, dopo el varda quel che 'l gavea in man e el se ga metesto a piander pì forte che mai.