Data –Outubro 1994Solange Soccol
Indovinel
Executor- João Soccol
Linha 14 São Valentin- Evangelista- Casca-RS

Pindolin che pindolava
Mostacin che lo vardava
Pindolin el ze cascà
Mostacin lo gà magnà: Gato e salame

El campanil de Tombolo
ze tuto carolà
se te indovini
te cavo el figà: el dital

Data –01 agosto 1998
Indovinel
Executora- Teresinha Guarnieri Daí Pra
Capela N.Sra. Saúde- Guaporé-RS

Son ‘ndà tel orto- go catà un vècio destirà
go tirà fora la britolina e go taià via l’oselet. Cossa zelo?

El radìcio.
Quando zelo che la dona fa la spiuma in mèso ale gambe?
Quando la mete el baldo par monder le vache.
Torno e ritorno- sensa fondo e sensa fil: l’anello.

Data –17 agosto 1998
Indovinel
Executor- Albino Ziliotto
Bairro Santin- Serafina Corrêa- RS

 
Qual zelo el trapel che par fora ga la carne e par rento ga la pèl?
El durel dela galina
Qual zelo el mistier che ze tondo e longo, che quando lo vedo ghe salto su la vita e ghe palpo ‘ndove el pissa?
La bote , ‘ndove se cava el vin.
Qual zelo el trapel che ze tondo cofà un crivel e longo cofà un budel?
El posso de l’àcoa.