SERAFINA CORRÊA- Prete Francisco Bordignon
Ciàcole 1993/2008-Jornal 'O Serafinense'. 07/03/1997

Chi no se ricorda de Prete Francesco?
-Varde fioi, el sol...
-Varde fioi, che bel giorno che Dio ga mandà (fora 'na piova che spachea fin le piante).
E quando le prèdiche le vegnea longhe, loooongheee e tuti i dormia.
Un giorno el se ga nicorto che tuti i dormia e lora el ga osá:- Tireve su!
E tuti i se ga levá su. Lu li ga vardà e ghe dise: -Go dito tireve su la testa
par scoltar quel che digo mi.
Ben, la mèio che me ricordo mi, la ga sussedesta dopo la comunion, domenega matina.
Finio la comunion el va fora come se gavesse finio la messa. Dopo sinque minuti el torna  indrio e el varda che ze tuti ancora lì sentài zo. El va tel microfono e dise: -Brava gente
de Serafina. Che bel veder...Tuti com gran fede in Dio, varde sol...Finio la messa e si tuti  ancora qua che preghé.
Lora la Lurdes, che gà sempre giutà, fin el giorno de ancoi, la ghe dise te la récia:
- Vu ve gavì desmentegà de darghe la benedission.
Lora Padre Chico torna indrio, se mete ancora la stola, e fa la benedission.
Sia 'ndove sia, Padre Chico, el nostro pì bel ricordo.

A CHI TOCA
Ciàcole 1993/2008-Jornal 'O Serafinense'. 07/03/1997

Questa la ze sussedesta dopo un bel 'churrasco' a Guaporé, sità vissina e sità
 mama de Serafina Corrêa, 20 km.
Se ciamea Parigi el protagonista. El zera la che se tegnea parché el gavea
'na gran voia de pissar e lora, el ze 'ndà drio la cesa par farlo. Quando el se
ga nicorto, el zera tuto moio: se gavea pissà in braghe.El gavea tegnesto in
man, la pele de le bale e 'l osel el ze restà rento le mutande.
Quando el ritorna tel salon de la Parochia, Vergilio lo vede e ghe domanda:
-Cossa ghelo sucesso? Ti te sì tuto bagnà su...
E Parigi, cativo ghe risponde:
- Far cosa?
- Ben, ga dito Vergilio- prima se deve tirar fora tuto e dopo se comanda:
- Pissa a chi toca pissar.


VISSIN A SERAFINA
Ciàcole 1993/2008-Jornal 'O Serafinense'.28/03/1997

Un dei nostri dissendenti el zera un fanático de le manifestassion dei Centri
 de Tradission Gauche e 'l volea farse 'na 'bombacia' nova, uma de quele
 braghe che porta i patroni del CTG. El va lora a un comèrsio tanto cognossesto
 par noantri e questo ghe domanda dusento conti.-Dial can...Ostrega de un mato.
 Ti te sì drio esagerar tel presso.-Ben, el costo ze parché la lana la ze vèrgine.
-E cossa gonti mi se la piegora la zera vérgine o no?
(Grassie Romano).

CARNAVAL A SERAFINA CORRÊA
Ciàcole 1993/2008-Jornal 'O Serafinense'.25/04/1997

Un tissio el va te la farmassia e el ghe domanda un preservativo, capuceto rosso,
 o come volì capirla. Ma grando, el pì grando che sia.
El farmassista ghe tol la misura massima, ma sto 'gran omo' lo cata pìcolo.
Lora el farmassista ghe dise:-Scuseme, ma credo che lu el ga el osel pì grando
de sto mondo, a meno che sia incalmá col musso.
Pol dirme la verità, cossa gave da far co sto preservativo?
-Dotor Farmassista, mi go de 'ndar al carnaval, qua vissin a Santo Antonio de Casca.
 ( chi pensea che Serafina ga carnaval ze cascà del caval...no lo gavemo).
Ben, come mi vui 'ndar me piasaria de fantasiarme de 'na maniera fora del normal,
o sia, de testa de casso.
-Ben, caro e carissimo carnavalesco de le gran feste carnavalesche de Casca,
 mi no posso contentarlo ma posso darve ‘na sugestion: Se se mete un petoloto
 in boca pol de sicuro ndar in giro e far festa travestio de facia de cul.

TRA SERAFINA E CASCA
Ciàcole 1993/2008-Jornal 'O Serafinense'.-15/11/1996

No tanto tempo fa ze morto un ' Marchetot', dei me parenti banda me nona Julia De Marco,
 che el zera de star tra la lìnea Tredese e Quatordese.
El gavea trè fiole e una de queste la studiea a Marau.
Lora la riva par sto velòrio, tuti de romai conformài che i ciacolea par questo e par quel altro.
Ma la fiola , quando vede so pare rento el casson, la ga scomissià a osar e la se buta su el morto.
Vien zo tuto: cassa, fiori, candele e el morto.
L' altra sorela che de romai zera lì da quando so pare zera morto, la ciapa par un brasso,
 ghe da un sgorlon e la ghe dise:- Sito mata??? Vuto coparlo???
( Grassie Marilda De Marco)