Data- novembro e dezembro 1995
Diversos Provérbios
Localidades: Serafina Corrêa- Nova Bassano e Nova Araçá- RS

- Dio te varde dala tosse, dai cavéi e barbe rosse
  e del vento del fenòcio
  e de quei che ga un sol òcio.
- Longo cavel, curto servel.
- Galo sensa cresta ze capon
   omo sensa barba ze coion.
- Rècie grande come martel, rècie grande de porsel.
- El sòto e ‘l gobo i gà el diàolo nel corpo.
- Dai segnài de Dio starghe trè passi indrìo.
  Da un gobo starghe oto
  e da un soto ventioto.

Data-setembro 1995
Diversos
Localidades: Serafina Corrêa, Nova Bassano, Guapore, Nova Araçá-RS
- Le galine, se pol magnarle...Le done le te magna el figà.
- Le galine fa i ovi...Le done, pì che le pol, le te li rompe.
- Le galine campa poco...Le done no le more mai.
- Le galine no le parla mai...Le done le parla anca per le galine.
- Le galine le ga solche un vestito e se lo tien...Le done le ghin’à pì de sento e gnanca 
   un ghe va ben... 
- Le galine cata su tute le fregole...Le done le bute via  a caretade.
- Le galine le se contenta de un’ultima fregola. Le done le pretende anca l’ultima
   parola.
-Dona che move l’anca, se no ze vaca, poco ghe manca.
- Ghe ze done cossita busiare che no se pol gnanca creder al contrario de quel che le       dise.
- La dona no la vede mai quel che se fa per ela. Sol quel che no se fa.
- I òmeni varda le done par vedarle. Le done varda i òomeni par esser viste.
- Ghe ze tante done che perdona e desmentega. Ma poche done che se desmentega de   ‘ver perdonà.
- El giorno bisogna lodarlo ala sera
   el paron dopo de un ano
   la dona trèe ani dopo morta.
- Al doman, ghe pensaremo dopodoman.
- De Nadal el fogo, de Pasqua  el giogo.
- Fin Nadal poco fredo pol far; da Nadal indrio el fredo te vien drio.
- Poveri e poareti, i nasse sensa corni e more bechi.
- Corpo pien, ànima consolà.
- Bisogna sempre ‘ver trè schèi de mona.
- Chi no se insegna fa la tegna.
- Se le galine tasesse nessun savaria che le ga fato l’ovo.
- Boca sarà no ciapa mosche.
- Drio ai ani ghe vien el giudissio.
- Se la invidia fusse fievra el mondo scotaria.
- Quando un se ciuco tuti ghe paga da bever.
- Del tuo damene, dal mio no sta domandarme.
- Testa de musso no se pela mai.
- El ze tanto poareto che se ‘l vol pissar sul suo, ghe toca pissar in man.
- La dona che va tanto in ciesa la vive de candele e àcoa santa.
- Quel beco gà pi corni che un bastimento de s-ciosi.
- Quei che abita a San Paolo no i ga mia vignal perchè sinò i portaria via i ferri coi
   corni.
- Se dise che chi trova un amico trova un tesoro. Ma mi digo se trovo un tesoro, de
   amissi trovo ‘na carga.
- La peso dona par un becaro ze ‘ver la dona vaca e no poder coparla.
- Chi caressa na mula, ciapa peade.
- Ti che te tachi i tachi, tàcheme i me tachi.
   Mi che te taca i tachi? Tàchete ti i to tachi.
- Oh Gesu d’amor aceso
 quanti schèi che mi go speso.
   Oh mio Dio e Bon Gesu
   fa che no spenda piu.
- El marito ze quel che resta del moroso dopo el matrimonio.
- Man che prega, man che frega.
- Sant’Antoni dela barba bianca, fame catar quel che me manca.

Data- maio 1999
Diversos Provérbios
Localidade- Associação Veneta de Cerquilho, Tiete e Região-  Cerquilho- SP-
- Quando canta el ciò, ze finio de far filò.
- La roba marida la goba.
- Fin che le bele ze vardà, le brute se ga maridà.
- Se Dio no vol, gnanca i santi pol.- El pan del povaro ze sempre duro.
- Quando la fame vien dentro ala porta, l’amor va via par le finestre.
- Pansa voda, recia sorda.
- La fame ze el meio cuoco che ghe ze.
- El poco basta, el massa guasta.
- La mèio cosa che ofre la richessa ze che se pol far debiti.
- El mèio privilegio del pelà ze che nessun mancarà rispeto ai soi cavei bianchi.
- Vesti na fassina e la pararà regina.
- Se piove nel dì de Santa Crose, cascarà le nose.
- Tuti ga caro del morto in piassa, ma che no sia de la so rassa.
- I afari del can e i schèi del vilan ze sempre in mostra.
- Ocio che varda basso, naso che pissa in boca, viso sensa color-o ze mato o traditor.
- Ze mèio magnar el campo e el prà che sposar na dona de naso levà.
- Pan e nose magnar de spose- Nose e pan, magnar de can.
- A campo tempestà no ocor benedission.
- El contadin in man a l’avocato ze come el sorse in boca al gato.
- Chi massa studia deventa mato. Chi no studa gnente, magna polenta,
- Meio un musso vivo che un dotor morto.
- Quando el cielo el fa lana piove dentro ala setimana.
- Quando le nuvole va in monte, ciapa su tuto e va in corte.
- Quando le nuvole fa el pan, piove ancoi o doman.
- No spetar serar stala dopo che i boi ze scampai.
- Chi ga el can che par la coa e se lo tegna.
- Val pi na roba fata che sento da far.
- Bisogna masenar intanto piove.
-Chi laora ga una camisa, chi no laora ghin ‘à due.
-Chi laora magna, chi no laora magna e beve.
PROVERBI SU LA PIOVA
-Se piove da San Brenton, sete brentane e un brentanon
-se piove el dì de Santa Bibiana piove  un mese e una setimana
-se piove el dì de Santa Crose casca anca le nose
-trè  nebie fa na piova, trè piove fa na brentana.