Data- julho 1998
Orassion de Natale
Nair Zanetti Tretto
Silva Jardim- Serafina Corrêa- RS

Oh mio dio, non falire, stato ben che lassia dire, lassia dir de buon cuor, de buon cuor  e de bona voce, Oh mio dio, sula croce, sula croce la colona, a mio dio la madona, madona incoronata, a mio dio l’è beata, beata sora el cielo, a mio dio, San Michel, San Michel crossefisso, a mio dio in paradiso, paradiso l’è dei santi, ama a dio e tuti quanti, a tuti quanti la morte vien, ama a dio e fai ben, e la note de natale, la messa vui cantare, canta canta rosa e fior, che l’è nassesto nostro signor, in medo e un bo e un asinelo, vui fassare Gesù belo, vui fassar Gesu Maria, quatro angeli in compagnia, onorissi San Batista che portava el bon insenso, aqua e mar e pan de altar, beata quel anima che pol imparar. Chi  la sa e chi la diss, beata quel anima che va in paradiss

Data- julho 1998
Orassion de Natale
Nair Zanetti Tretto
Silva Jardim- Serafina Corrêa- RS

Pater Nostro grando, grando, tuti angeli cantando, la luna parava su el nostro angelo imperator, varda in qua, varda in la, cossa gheto visto, un colombin digesto. Cossa gavelo in boca? Una perieta rossa. Piereta rossa ga ciapà, tuto el mondo gà iluminà. Iluminà Santa Maria, tuti i angeli va via. Cata San Piero e San Vicenza, co le ciave in man, co le ciave inciavava, co le lanse lo ga spuncià, segna leto cavassài, segna mi che son mortai, segna anca mi, in canto canto, in nome del Padre, Figlio e Spirito Santo.

Orassion de la note-
Registrada por Dr. Paulo bsoc5é Massolini
Programa La Voce del Veneto-Radio Odisséia  FM.
Nona Rosa Marcon Feltrin (in memorian)
Serafina Corrêa- RS

Vago in leto con me angelo perfeto
Con me angelo e Dio.
Volio domandar trè grassie in Dio.
Comunion confission e òio santo.
In nome del Padre, filio e Spirito Santo
Amem.

Predica a San Giusepe
Registrada por Dr. Paulo bsoc5é Massolini
Programa La Voce del Veneto-Radio Odisséia  FM.
Nona Rosa Marcon Feltrin (in memorian)
Serafina Corrêa- RS

San Giusepe vecierelo
Cosa gaveo in quel sestelo
Go na fassa e un paneselo
Par infassar Gesù belo
Gesù de amor.
Par infassar Nostro Signor.
Santa Ciara impresteme vostra scala
Par ‘ndar in paradiso e per veder quel bel viso
Bel viso l’è morto, i angeli cantava
La madona suspirava, il Signor in denocion
Che disea, che bela orassion.
Chi la savarà in paradiso andarà.

Orassion a la Madona
Registrada por Dr. Paulo bsoc5é Massolini
Programa La Voce del Veneto-Radio Odisséia  FM.
Nona Rosa Marcon Feltrin (in memorian)
Serafina Corrêa- RS

Madona va tel orto par tor i garafolini
Par fornir i so bambini.
I so bambini i va via cantando
La Madona suspirando
Il signor in denocion
Chi dise le bele orassion
Chi le savarà e che le dirà
Le pene del inferno mai pì le tocarà.